ازاي نحل مشكلة الشاشة الزرقاء في الكمبيوتر

الشاشة الزرقة زي ما قولنا في المقالة اللي فاتت

كتيرة وهنا هاقولك تحلها ازاي

زي ما شرحنا في المقالة اللي فاتت ازاي تثبت الشاشة الزرقا عشان تلحق تجيب الكود، ومن هنا تقدر تجيب الكود الازق وفي المقالة دي هانشرح بالظبط تعمل ايه من غير ما تتعب نفسك خالص، اولا بس قبل ما ابدأ احب اقول:

- الكود اللي في الصورة ده كود لعطل في ويندوز XP اصلا
- متاحولش تبحث عنه عشان هاتلاقي كلمة واحدة بس اسمها "الدعم للويندوز ده وقف خلاص"

- انا متأكد ان في ناس كتير فحت حاولت وشافت وتأكدت بنفسك، تمام اوي، اوعي تصدق اي حد يقولك علي حاجة مهما كانت الا لما تجرب بنفسك حتي حلول المشاكل بتنفع مع ناس وناس لأ يمكن انت من الناس اللي بتنفع معاهم بعض الحلول وهنا يبقي اختصرت علي نفسك كتير فحت ولو محصلش حاجة يبقي مخسرتش حاجة وجرب اللي بعده واللي بعده وكده، علي فكرة الانجليزي بينفع جدا في الحاجات دي لان اغلب الشروحات الكويسة بالانجليزي اصلا، ولو الانجليزي بتاعك ضعيف شوية هايقوي بالتدوير والقراية الكتير في الكلام ده بس انت لما تقف قدامك حاجة ترجمها ماتسبهاش، وكله بفيده ليك ولخبرتك في حل مشاكل الكمبيوتر بتاعك.

1- اول ما نحدد الكود مثلا زي Stop 0x00000050

2- هاتروح علي موقع مايكرو سوفت من هنا هايفتح معاك زي ما في الصورة بالظبط

3- هاتروح كاتب الايرور بالاصفار الكتير مفيش مشاكل هاتكتبه من غير اصفار بردو مفيش مشاكل، (((سيبك من الكود اللي في صورة عارف انه غلط D: )))

4- بعد كده هاتظهرلك النتائج زي كده، هاتختار اللي هي زي الكود بتاعك بس بأصفار. زي الصورة كده

- قبل ما انقل علي الخطوة رقم 5 لازم تعرفوا حاجة، وهي ان في حاجات من الاخطاء دي لها اصلاحات والاصلاحات دي بتبقي عبارة عن ملف بتنزله وتسطبه علي الكومبيوتر عندك، يا اما بتدخل عليه وبتقرأ هما بيقولوا ايه وهاتصول لان العيب من الرامات مثلا او درجة الحرارة علية ان في تعريف انت مسطبه غلط او ان فيه مش عارف ايه، لان المشاكل دي كلها لا تعد ولا تحصي

5- فمثلا زي الخطأ اللي معانا ده ليه ملف Setup او سيتب وهاتعمله داونلود زي ما في الصورة

6- بعد ما تنزل الملف هتلاقيه عامل زي كده، هايتفك معاك بعد ما تدوس عليه كليكتين وبعدين هاخرجلك ملف السيت اب
    بعدها ستب الملف، الجهاز هايطلب منك ريستارت اعمل ريستارت علي طول واستني لغاية لما يقفل ويفتح تاني هياخد وقت معاك

    شوية كأنك عامل ابديت للويندوز لكن مفيش دونلود جديد.

---------------------------------------------------------------------------

الشرح ده بسيط جدا مش مفصل كل حاجة في الاخطاء اللي بتقابل الناس

لو في خطأ ظهرلك وعايز تعرف اكتر عنه اكتبه في كومنت

 تحت وانا هاقولك الخطأ ده ظهرلك ليه في اقرب وقت

تحياتنا اســـــرة فيد واستفيد

محمد العزاوي