شارك معانا نخلي المحتوي العربي افضل

من نحن / اعرف اكتر عن هدف فيد واستفيد

اولا: وبما اننا بنبدأ من الصفر وفي بلوج او مدونة مجانية، في اننا ننشر كل حاجة مفيدة ومهمة، ده لا يعطيك الحق كزائر انك ماتشتركش معانا، بل بالعكس ادعمنا بأشتراكك ومشاركاتك وقول لصحابك علينا وقولهم قد ايه الصفحة مفيدة وقولهم ايه الموضوع اللي عجبك، كمان ممكن تعمل للموضوع اللي عجبك شير وتعلق عليه كمان.

معلومات اكيد تهمك:

حجم المحتوي العربي "المحتوي بتاعنا كلنا انا وانت" علي الانترنت اللي متكرر في المنتديات كلها بأنه يزهقك لان المنتديات بقت شبه بعض والمحتوي اللي في المنتدي ده هو هو اللي في التاني والتالت، بس ليه منفكرش اننا نكتب في كل حاجة واي حاجة تفيدنا.

احنا بنقرأ كتب كتير وبنطلع علي مصادر كتير عشان نقدم لكم معلومات مهمة جدا قد تفديك او تفيد غيرك، ولو شفت حاجة غلط فاحنا بشر ادعمنا بأنك تقولنا علي غلطاتنا واحنا هانقدملك جزيل الشكر وهانكتب عن اللي انت قولتلنا عليه وهانحط اسمك في المقالة اللي انت قولت ان فيها غلط، ونقول لفت نظر الاسرة الاستاذ/ه فلان/ه.

الموضوع بسيط اضغط اشتراك معانا ده في حد ذاته يدعمنا لو عزت اي معلومة في اي مجال وفي اي وقت او عزت حل لمشكلة عندك في الكمبيوتر او كان عندك مشكلة في تليفونك، قولنا علي طول هاتلاقينا بنجاوب عليك ومتخافش احنا هانفضل معاك لغاية لما تقول المشكلة اتحلت وبعدين ننزل موضوع عنك وعن رسالتك وازاي حليت الموضوع عشان غيرك يستفيد وهايكون معانا قسم خاص بما يطلبه المشتركون او هايكون اسمه "مشكلة وحلها".

ثانيا: احنا مبناخدش المواضيع كوبي باست، الا في القصص لاننا مهما نغير القصة هدفها واحد، اما عن المعلومات فاحنا مبنثقش في المحتوي العربي علي الانترنت، لذلك ننظر الي الموضوع واهميته لدي المجتمع العربي ومن ثم نبدأ في التحري عن صحة المعلومات الواردة فيه، وبعدين بصحح الحاجات اللي فيه غلط وبعدين ننزله بطريقتنا.

ده بالاضافة للفديوهات الكوميدية والدينية والترفيهية، وغيرها من الفديوهات الجميلة، دي انا بعترفلك ان مش احنا اللي عاملينها ولكن احنا جبناهلكم عشان تشفوها وتستمتعوا بيها معانا.

ده غير المعلومات الطبية المفيدة جدا والبعيدة عن المواد الصناعية وبنحاول علي قد ما نقدر نكون في اطار الطبيعة فقط.

انا مش بقولك اشترك معانا عشان تقولنا مشكور او مشكورة، انا بقولك اشترك معانا وقول/ي رأيك في اللي انت قريته، وضيف اللي انت عايزه واحنا هاندور علي المصادر عشان نتأكد منها "انها متكررتش في منتدي او اي موقع عربي قبل كده" وبعدين ننزل الاضافة بتاعتك بأسمك، وده بحد ذاته بيزود من المحتوي العربي النقي علي الانترنت.

----------------------------------------------------

نتمني انكوا تكونوا عرفتوا هدفنا من البلوج

وانكوا تشاركوا معانا

فيد واستفيد

تحياتي