هتعمل ايه يا امور في ارتفاع حرارة الموتور
هتعمل ايه يا امور في ارتفاع حرارة الموتور
هديكم شوية نصائح تعملوها لما الموتور بتاعكم يجيلو سخنية او يكون حران
اول حاجة
اول لما درجة حرارة الموتور ترتفع تروح زى الشاطر كده دايس انتظار ( هاه انتظار يا سيدات ابوس اديكم مش تروحو كده على طول ) وتاخود الحارة اليمين على جنب خالص كده وتركن.
--------------------------------------------------------------------
تانى حاجة
بطل عربيتك خالص وبص فى المراية قبل ماتنزل ( لتكون عربية جايه كده ولا كده ).
--------------------------------------------------------------------
تالت حاجة
افتح غطاء الكبوت الى بيفرفر يا عينى ( بس خود بالك وانت بتفتحو حاجة تنفجر فى وشك ).
--------------------------------------------------------------------
رابع حاجة
دور كده ودعبس عن اى حاجة بتسرب مياة فى دورة التبريد بتاعتك ( لو لقيت جيب حد يصلحها وانت واقف ) وبص بصة على المروحة شغالة كويس ولا لا.
--------------------------------------------------------------------
خامس حاجة
بعد لما العربية تبرد كده وتهدي افتح غطاء الردياتير واتاكد ان فيه مياة فيه ولا لا واتاكد من سلامة قربة المياة بردو ويكون جواها مياة لغاية العلامة.
--------------------------------------------------------------------
اخر حاجة بقى
اتاكد من سلامة غطاء الردياتير ومن الردياتير ذات نفسه وان مفيش حاجة منعى الهواء عنه ( زى كيس بلاستيك مثلا او ما شابه ذلك ).
--------------------------------------------------------------------
ونتمنى لكم السلامة
اسرة فيد واستفيد
ليست هناك تعليقات:
إرسال تعليق